Բնապահպանության և բնական ռեսուրսների նախարարության նախաձեռնությամբ, Ստեփանակերտի «Վալեքս Գարդեն>>:

հյուրանոցային համալիրի կինոդահլիճում, մայիսի 5-ին ցուցադրվեց «Աղբը» տեղեկատվական-վավերագրական ֆիլմը: Այն մի յուրահատուկ զրույց է երկիր մոլորակի բնակիչների հետ, որոնց առողջությունը վտանգված է շրջակա միջավայրի աղտոտվածության հետևանքով:
Բացի նախարարության աշխատակիցներից , միջոցառմանը ներկա էին հասարակական սեկտորի ներկայացուցիչներ և հարակից ոլորտների մասնագետներ:
Ֆիլմի դիտումից հետո կայացան քննարկումներ… Բարձրացվեցին պլաստիկե  թափոնների վտանգավորության , դրանց հավաքման, վերամշակման հնարավորությունների, իրավիճակից դուրս գալու տարբերակների, ինչպես նաև կոշտ կենցաղային թափոնների կառավարմանը առնչվող այլ հարցեր: (more…)


Ս.թ. ապրիլի 12-ին  ԱՀ  բնապահպանության և բնական ռեսուրսների նախարարությունը  «Հունոտի կիրՃ» պետական բնապատմական արգելոցի   «Ջդրդուզ» կոչվող տարածքում «Սեր թռչունների հանդեպ» խորագրով  կազմակերպեց  էկոկրթական իրազեկման  միջոցառում, որին մասնակցում էին նախարարության  աշխատակիցները, Եզնիկ Մոզյան արհեստագործական ուսումնարանի սաներն ու Խաչատուր Աբովյանի անվան միջնակարգ  հոսքային  դպրոցի աշակերտները:

Ծրագրի նպատակն էր՝  մատաղ սերնդի մոտ ձևավորել բնապահպանական  մտածելակերպ, նրանց զինել  անհրաժեշտ էկոլոգիական գիտելիքներով և փոխանցել  բնության հետ ներդաշնակ ապրելու կարողություն, հետաքրքրություն առաջացնել, հոգատարություն սերմանել բնության ,մասնավորապես ՝ փետրավոր ներկայացուցիչների հանդեպ:

Միջոցառումը սկսվեց  նախարարության մասնագետի  էկոկրթական ելույթով, որի շրջանակներում , հարց ու պատասխանի միջոցով,  քննարկվեցին այնպիսի թեմաներ, ինչպիսիք են՝թռչնատեսակները, նրանց կազմվածքն ու վարքագիծը, կենսապայմաններն ու սովորությունները:

Միջոցառման ավարտին «Ջդրդուզ »կոչվող  տարածքի հարակից  տեղամասի ծառերից կախվեցին աշակերտների  կողմից  պատրաստված  կերամաններ  ու թռչնաբներ: (more…)


Կարևորելով հանրապետությունում աղբահանության և սանիտարական մաքրման բնագավառի բարելավումն ու կարգավորումը, այդ թվում թափոնների անվտանգ հեռացումը՝ բնապահպանության և բնական ռեսուրսների նախարարությունը կատարում է այցելություններ հանրապետության տարբեր շրջաններ`տեղերում իրավիճակին ծանոթանալու նպատակով: Վերջերս նախարարության աշխատակիցներն այցելեցին Ասկերանի շրջանի Պատարա գյուղ ,եղան բնության հուշարձան «Կապեն ծով » տարածքում: Տեղում քննարկվեց կոշտ կենցաղային թափոնների, աղբահանության արդյունավետ կազմակերպման,այդ համատեքսում՝ պետություն-հանրություն փոխգործակցության հարցեր: Նշվեց ,որ աղբաթափության նվազեցման օպտիմալ միջոցը դա ՝պատժամիջոցների հստակեցումն ու դրանց կիրառման ապահովությունն է:
Նախարար Վազգեն Միքայելյանը նշեց,որ«…թափոնների դեմ պայքարն արդյունավետ կլինի միայն հասարակության պատասխանատվության բարձրացման դեպքում:Մեզնից յուրաքանչյուրը պետք է գիտակցի դրանց վտանգավորության աստիճանը և փորձի իր լուման ներդնել այդ թափոնների վնասազերծման համար տարվող աշխատանքներում»:


Ս.թ . մարտի 25-ին  ԱՀ  բնապահպանության և բնական  ռեսուրսների նախարարությունը կազմակերպեց  «Բնապահպանական  զբոսանք  դեպի Պատարա» ժամանցային   ծրագիր՝ հանգստանալու ,ինչպես նաև տեղանքի բնապահպանական խնդիրներին ծանոթանալու նպատակով:

Ոչ  ֆորմալ միջավայրում, խարույկի շուրջ , երգ ու երաժշտության ելևէջների ներքո ,տեղի ունեցան  բուռն  ու արդյունավետ քննարկումներ: Քննարկվեցին հատուկ պահպանվող տարածքներում  էկոտուրիզմի  զարգացման , անտառների  կառավարման և այլ արդիական բնապահպանական  թեմաներ:

Միջոցառման ավարտին նախարար Վազգեն Միքայելյանը նշեց, որ «…բնության հետ մենք առնչվում ենք ամեն օր և նմանատիպ միջոցառումները շատ կարևոր են ,քանի որ դրանք  մեզ հնարավորություն են տալիս  ավելի մոտիկից ծանոթանալու  առկա խնդիրներին: Ուստի, այս ձևաչափի հանդիպումները շարունակական բնույթ կկրեն»:


Սույն թվականի մարտի 16-ին բնապահպանության և բնական ռեսուրսների նախարար Վազգեն Միքայելյանը հանդիպում ունեցավ հասարակական կազմակերպությունների ներկայացուցիչների հետ:Ողջունելով հանդիպման մասնակիցներին, նախարարը նշեց,որ կարևորում է հասարակական կազմակերպությունների դերը հասարակության ձևավորման, հասարակության տարբեր խավերի միջև հարաբերությունների հաստատման ,ինչպես նաև բնապահպանական խնդիրների լուծման գործընթացում: (more…)


ՃԻՇՏ ՊԼԱՆԱՎՈՐԵԼ ԲՆԱԿԱՆ ՊԱՇԱՐՆԵՐԻ ՕԳՏԱԳՈՐԾՈՒՄԸ. ՍԱ Է ԳԵՐԽՆԴԻՐԸ

Իր գոյության ընթացքում մարդն օգտվում է բնության բարիքներից: Գաղտնիք չէ, սակայն, որ նույն այդ մարդու կողմից բնության անխնա շահագործումն իր բացասական հետևանքներն  է թողնում կյանքի բնականոն ընթացքի վրա, հասցնում  ռեսուրսների սպառման։

 

Մարդկային գործոնով պայմանավորված` բնությանը վնասներ են հասցվում ոչ միայն անմիջապես հողի մակերեսին, այլև ջրային և օդային տարածքներում: 

(more…)