Ս.թ. հոկտեմբերի 12-ին բնապահպանության և բնական ռեսուրսների նախարարության նախաձեռնությամբ կազմակերպվեցին Արցախի Հանրապետության Կաշենի պղինձ-մոլիբդենային հանքավայրի բաց եղանակով մշակմամբ հանքաքարի հանույթի ընդլայնման և լեռնահատկացման ֆաբրիկայի արտադրողականության բարձրացման ուղղությամբ նախատեսվող գործունեության, շրջակա միջավայրի վրա ազդեցության գործոնների վերաբերյալ մասնագիտական եզրակացության և ազդակիր համայնքների, քաղաքացիների ու համապատասխան մարմինների կարծիքների հասարակական լսումներ:  (more…)


ԱՀ բնապահպանության և բնական ռեսուրսների նախարարությունն Արցախի Հանրապետության տարածքի կոշտ կենցաղային թափոնների ուսումնասիրության միջոցառումների 2018 թվականի ծրագրի շրջանակներում իրականացնում է Արցախի Հանրապետության տարածքում կոշտ կենցաղային թափոններով շրջակա միջավայրի աղտոտման և համայնքներում իրականացվող աղբահանության ծառայության ներկայիս իրավիճակի գնահատման աշխատանքներ: Ուսումնասիրություններն իրականացվում եմ Մարտունու,Ասկերանի և Շուշիի համայնքներում: (more…)


Արցախի Հանրապետության տարածքի մակերևութային ջրերի էկոլոգիա-երկրաքիմիական առանձնահատկությունների որոշման, ջրերի որակի գնահատման, աղտոտման աղբյուրների բացահայտման և նրանց արդյունավետ օգտագործման ու մակերևութային ջրերի մոնիթորինգի բազային տվյալների ստեղծման նպատակով բնապահպանության և բնական ռեսուրսների նախարարության կողմից ստեղծված աշխատանքային խումբը <<Արցախի Հանրապետության տարածքի մակերևութային ջրերի մոնիթորինգ>> ծրագրի շրջանակներում իրականացնում է դաշտային աշխատանքներ և նմուշների լաբորատոր հետազոտություններ, որոնք սեզոնային բնույթ են կրում: Հետազոտություններն իրականացվում են նմուշառման 39 դիտակետերում: Տարվա կտրվածքով նախատեսվում Է 135 դիտայց: Դիտակետերի տեղերն ընտրվել են հնարավոր խոշոր աղտոտող աղբյուրներին հարակից հատվածներում: (more…)


Երկրաշարժն այն բնական երևույթն է,որն առավել արդիական է մեր տարածաշրջանի համար և դրա վերաբերյալ բնակչության պատրաստվածության մակարդակի բարձրացումը հրատապ խնդիրներից մեկն է:Եվ բնակչության իրազեկվածության բարձրացման ուղղությամբ կատարվող աշխատանքների շրջանակներում ՀՀ արտակարգ իրավիճակների պետական ծառայության «Սեյսմիկ պաշտպանության Արևելյան ծառայություն» ՊՈԱԿ-ը դասընթաց կազմակերպեց ԱՀ բնապահպանության և բնական ռեսուրսների նախարարության անձնակազմի համար : (more…)


    Յուրաքանչյուր տարի սեպտեմբերի 16-ին ողջ աշխարհում նշվում է Օզոնային շերտի պահպանության միջազգային օրը: Օզոնային շերտի քայքայումը գլոբալ բնապահպանական խնդիր է, որը գտնվում է միջազգային հանրության և գիտնականների ուշադրության կենտրոնում: Օզոնի շերտի պահպանությունը սահմաններ չի ճանաչում և ողջ աշխարհում բոլորը պետք է իրենց ներդրումն ունենան օզոնի շերտի պահպանության գործում: Եվ այսօր՝ ինչպես ողջ աշխարհում , այնպես էլ Հայաստանում ու Արցախում այդ ուղղությամբ տարբեր միջոցառումներ են ձեռնարկվում,կազմակերպվում են իրազեկման դասընթացներ : (more…)


Նախագահ Բակո Սահակյանը ստորագրել է հրամանագիր, համաձայն որի՝ Ֆելիքս Գաբրիելյանը նշանակվել է Արցախի Հանրապետության բնապահպանության եւ բնական ռեսուրսների նախարար:

Հուլիսի 5-ին Բակո Սահակյանն այցելել է ԱՀ բնապահպանության եւ բնական ռեսուրսների նախարարություն ու աշխատակիցներին ներկայացրել համակարգի նոր ղեկավարին՝ մաղթելով նրան արդյունավետ աշխատանք:


Նախագահ Բակո Սահակյանն այսօր՝ հունիսի 30-ին ,հրամանագիր է ստորագրել, որով Վազգեն Միքայելյանն իր դիմումի համաձայն` ազատվել է Արցախի Հանրապետության բնապահպանության և բնական ռեսուրսների նախարարի պաշտոնից։

Արցախի Հանրապետության բնապահպանության և բնական ռեսուրսների նախարարի պարտականությունները ժամանակավորապես կկատարի նախարարի առաջին տեղակալ Արթուր Գաբրիելյանը։

Միքայելյանը նախարարի պաշտոնը ստանձնել է 2017թ-ի սեպտեմբերին։ Մինչ այդ եղել է Արցախի վարչապետի խորհրդական, կառավարությանն առընթեր շրջակա միջավայրի և բնական ռեսուրսների վարչության պետ։

 

 


Հունիսի 5-ը երկրագնդի բնակչությունը նշում է որպես Շրջակա միջավայրի համաշխարհային օր: Այն հերթական հնարավորություն է հասարակության ուշադրությունը բևեռելու բնապահպանական խնդիրների վրա: Իհարկե, մեր պատմական բնօրրանից մեզ բաժին հասած փոքր հատվածի հարուստ ու ինքնատիպ բնաշխարհը մեզ հնարավորություն է ընձեռում զերծ մնալ գլոբալ բնապահպանական խնդիրներից ու միաժամանակ արձանագրել հուսադրող հաջողություններ,որոնք մենք պետք է պահպանենք և արժանապատվորեն փոխանցենք մեր սերունդներին:
Շրջակա միջավայրի պահպանության օրը չպետք է սահմանափակվի միայն հունիսի 5-ով,այլ պետք է լինի տարվա յուրաքանչյուր օր,որպես հերթական առիթ՝ վեր հանելու և լուծելու բնապահպանական խնդիրները՝ ի շահ մեր քաղաքացիների բարօրության և ապագա սերունդների բնականոն կյանքի:
Օրվա առիթով շնորհավորելով բոլորիս, շնորհակալություն եմ հայտնում բոլոր այն քաղաքացիներին, ովքեր գիտակցում են հայրենի բնության պահպանման հարցում իրենց պատասխանատվությունը և կոչ եմ անում՝ մեր ուժերն ու հնարավորություններն ի սպաս դնել բնապահպանական խնդիրների արդյունավետ լուծմանը, բնապահպանական նոր մարտահրավերների կանխարգելմանը:Միայն այդ դեպքում կլուծվեն առկա խնդիրները և կապահովվի մարդ-բնություն ներդաշնակությունը։


ՀԱՄԱՏԵՂԵՆՔ ՋԱՆՔԵՐԸ՝ ՀԱՅՐԵՆԻ ԲՆՈՒԹՅՈՒՆԸ ՊԱՀՊԱՆԵԼՈՒ ՀԱՄԱՐ

– Պարոն Միքայելյան, Հունիսի 5-ը աշխարհում նշվում է որպես Բնության և շրջակա միջավայրի պահպանության օր։ Արցախը ե՞րբ է միացել միջազգային այդ օրը նշելուն։

– Նախ տեղեկացնեմ, որ այդ օրը հռչակվել է ՄԱԿ-ի Գլխավոր ասամբլեայի 27-րդ նստաշրջանի որոշմամբ, 1972թ. դեկտեմբերի 16-ին, իսկ ամսաթիվը` հունիսի 5-ը, ընտրվել է ի հիշատակումն Ստոկհոլմի հանձնաժողովի աշխատանքների մեկնարկի: Ինչ վերաբերում է Արցախին` այս պահին չկա գործող իրավական ակտ, բայց այդ ուղղությամբ աշխատանքներ տարվում են և մեզ մոտ էլ այդ օրը իրավապես կհռչակվի որպես Բնապահպանի օր: Կարծում եմ, բնությունը պահպանելու համար չպետք է սահմանափակվենք միայն մեկ օրով, այլ պետք է յուրաքանչյուր օր լուծենք բնապահպանական խնդիրները` ի շահ մեր երկրի, մեր քաղաքացիների բարօրության: (more…)


Ս.թ. մայիսի 11-ին ուսուցողական-տեղեկատվական սեմինար անցկացվեց բնապահպանության և բնական ռեսուրսների նախարարության աշխատակիցների, ինչպես նաև Շուշիի տեխնոլոգիական համալսարանի ուսանողների համար : Սեմինարը անցկացրեց Հայաստանից հրավիրված՝ բնապահպանության և կլիմայի փոփոխության մասնագետ,ֆիզիկա-մաթեմատիկական գիտությունների թեկնածու,Երևանի «Խազեր»  էկոլոգամշակութային հասարակական կազմակերպության գիտության գծով փորձագետ Արամ Գաբրիելյանը:

Սեմինարի նպատակն էր՝ բարձրացնել իրազեկությունը կլիմայի փոփոխության հիմնախնդիրների մասին, ինչպես նաև այդ խնդիրների լուծմանն ուղղված գլոբալ ջանքերին Արցախին մասնակից անելը: (more…)